കേരളത്തിലേക്കുള്ള ആദ്യവണ്ടി 13 ന്; കാസര്‍കോടും കണ്ണൂരും സ്റ്റോപ്പ്


ന്യൂഡല്‍ഹി: കോവിഡ് വ്യാപനത്തെ തുടര്‍ന്ന് നിര്‍ത്തിവച്ചിരുന്ന ട്രെയിന്‍ സര്‍വീസുകള്‍ മെയ് 12 മുതല്‍ പുനരാരംഭിക്കും. ആദ്യ ഘട്ടത്തില്‍ ഓടുന്ന ട്രെയിനുകളുടെ ലിസ്റ്റ് റെയില്‍വേ പുറത്ത് വിട്ടു. ന്യൂഡല്‍ഹിയില്‍നിന്ന് മുംബൈ, ബാംഗ്ലൂര്‍, ചെന്നെ, തിരുവനന്തപുരം തുടങ്ങി വിവിധ സംസ്ഥാനങ്ങളിലെ 15 കേന്ദ്രങ്ങളിലേക്കും തിരിച്ചും ആകെ 30 സര്‍വീസ് ആണ് ഉണ്ടായിരിക്കുക.
കേരളത്തിലേക്കുള്ള ആദ്യ ട്രെയിന്‍ ബുധനാഴ്ച ഡല്‍ഹിയില്‍നിന്ന് പുറപ്പെടും. വെള്ളിയാഴ്ചയാണ് ട്രെയിന്‍ തിരുവനന്തപുരത്ത് എത്തുക. ആഴ്ചയില്‍ മൂന്ന് രാജധാനി സര്‍വീസുകളാണ് ആദ്യ ഘട്ടത്തില്‍ തിരുവനന്തപുരത്തേക്കും തിരിച്ചും ഉണ്ടാവുക. നേരത്തെ ഹസ്രത്ത് നിസാമുദ്ദീനില്‍നിന്ന് ആരംഭിച്ചിരുന്ന രാജധാനി സര്‍വീസുകള്‍ ഇത്തവണ ന്യൂഡല്‍ഹിയില്‍നിന്നായിരിക്കും പുറപ്പെടുക.
കൊങ്കണ്‍ പാത വഴിയാണ് സര്‍വീസ്. കോട്ട, വഡോദര, വാസൈ റോഡ്, പന്‍വേല്‍, രത്‌നഗിരി, സാവന്ത്‌വാഡി റോഡ്, മഡ്ഗാവ്, കാര്‍വാര്‍, ഉടുപ്പി, മംഗലാപുരം, കാസര്‍കോട്, കണ്ണൂര്‍, കോഴിക്കോട്, ഷൊര്‍ണൂര്‍, തൃശൂര്‍, എറണാകുളം, ആലപ്പുഴ, കൊല്ലം, തിരുവനന്തപുരം എന്നിങ്ങനെയാണ് വണ്ടിയുടെ യാത്ര.
ഇന്ന് വൈകിട്ട് നാല് മണി മുതല്‍ ഐ.ആര്‍.സി.ടി.സി വെബ്‌സൈറ്റ് വഴി ഓണ്‍ലൈനായി മാത്രം ടിക്കറ്റ് ബുക്ക് ചെയ്യാം. റെയില്‍വേ കൗണ്ടറുകള്‍ വഴി ബുക്കിങ് ഉണ്ടായിരിക്കില്ല. പ്ലാറ്റ്‌ഫോം ടിക്കറ്റുകളോ ആര്‍.എ.സി ടിക്കറ്റുകളോ ഉണ്ടായിരിക്കില്ല. മുഖാവരണം ഉള്‍പ്പടെയുള്ള നിബന്ധനകള്‍ യാത്രക്കാര്‍ പാലിക്കണം. കോവിഡ് ലക്ഷണങ്ങള്‍ കാണിക്കാത്തവര്‍ക്ക് മാത്രമാണ് യാത്രാനുമതി. യാത്രയ്ക്ക് മുമ്പായി ശരീരോഷ്മാവ് പരിശോധിക്കും.
നാളെ മുതലുള്ള ട്രെയിന്‍ സര്‍വീസുകള്‍
ഹൗറ -ന്യൂഡല്‍ഹി(ദിവസേന) മെയ് 12, ന്യൂഡല്‍ഹി -ഹൗറ(ദിവസേന) മെയ്13, രാജേന്ദ്രനഗര്‍ -ന്യൂഡല്‍ഹി(ദിവസേന)മെയ് 12, ന്യൂഡല്‍ഹി -രാജേന്ദ്രനഗര്‍ (ദിവസേന) മെയ്13, ന്യൂഡല്‍ഹി -ദീബ്രുഗഡ്(ദിവസേന) മെയ് 12, ദീബ്രുഗഡ് -ന്യൂഡല്‍ഹി(ദിവസേന) മെയ്14, ന്യൂഡല്‍ഹി -ജമ്മു താവി(ദിവസേന) മെയ് 12, ജമ്മുതാവി -ന്യൂഡല്‍ഹി(ദിവസേന)മെയ് 13, ബാംഗ്ലൂര്‍-ന്യൂഡല്‍ഹി(ദിവസേന) മെയ് 12, ന്യൂഡല്‍ഹി-ബാംഗ്ലൂര്‍ (ദിവസേന) മെയ് 14, ന്യൂഡല്‍ഹി-തിരുവനന്തപുരം(ചൊവ്വ, ബുധന്‍, ഞായര്‍) മെയ് 13, തിരുവനന്തപുരം-ന്യൂഡല്‍ഹി(ചൊവ്വ,വ്യാഴം,വെള്ളി) മെയ് 15, ന്യൂഡല്‍ഹി -ചെന്നൈ (ബുധന്‍,വെള്ളി)മെയ്13, ചെന്നൈ -ന്യൂഡല്‍ഹി(വെള്ളി,ഞായര്‍) മെയ്15, ന്യൂഡല്‍ഹി- ബിലാസ്പുര്‍(വ്യാഴം,ശനി) മെയ് 12, ബിലാസ്പൂര്‍-ന്യൂഡല്‍ഹി (തിങ്കള്‍,വ്യാഴം) മെയ് 14, റാഞ്ചി-ന്യൂഡല്‍ഹി (വ്യാഴം,ഞായര്‍) മെയ് 14, ന്യൂഡല്‍ഹി-റാഞ്ചി(ബുധന്‍,ശനി) മെയ് 12, ന്യൂഡല്‍ഹി-മുംബൈ (ദിവസേന) മെയ് 13, മുംബൈ -ന്യൂഡല്‍ഹി(ദിവസേന) മെയ് 12,ന്യൂഡല്‍ഹി -അഹമ്മദാബാദ് (ദിവസേന) മെയ് 13, അഹമ്മദാബാദ്-ന്യൂഡല്‍ഹി(ദിവസേന) മെയ് 12, ന്യൂഡല്‍ഹി-അഗര്‍ത്തല (ബുധന്‍) മെയ് 20, അഗര്‍ത്തല -ന്യൂഡല്‍ഹി (തിങ്കള്‍) മെയ്18, ന്യൂഡല്‍ഹി-ഭുവനേശ്വര്‍(ദിവസേന) മെയ് 14, ഭുവനേശ്വര്‍-ന്യൂഡല്‍ഹി(ദിവസേന) മെയ് 13, ന്യൂഡല്‍ഹി-മഡ്ഗാവ് (വെള്ളി,ശനി) മെയ് 15, മഡ്ഗാവ്-ന്യൂഡല്‍ഹി(തിങ്കള്‍,ഞായര്‍) മെയ് 17, ന്യൂഡല്‍ഹി-സെക്കന്തരാബാദ്(ഞായര്‍) മെയ് 17, സെക്കന്തരാബാദ്-ന്യൂഡല്‍ഹി(ബുധന്‍) മെയ് 20.

Post a Comment

0 Comments