ജില്ലാ ഡി ഡിവിഷന്‍ ലീഗ് ടൂര്‍ണമന്റ്; മിറാക്കിള്‍ കമ്പാര്‍ ചാമ്പ്യന്മാര്‍


കാസര്‍കോട്: ജില്ലാ ക്രിക്കറ്റ് അസോസിയേഷന്‍ ഡി ഡിവിഷന്‍ ലീഗ് ക്രിക്കറ്റ് ടൂര്‍ണ്ണമെന്റില്‍ മിറാക്കിള്‍ കമ്പാര്‍ ചാമ്പ്യന്മാരായി.
മാന്യ കെ.സി.എ സ്റ്റേഡിയത്തില്‍ നടന്ന ഫൈനല്‍ മല്‍സരത്തില്‍ ഒലീവ് ബംബ്രാണയെ 110 റണ്‍സിന് പരാജയപ്പെടുത്തിയാണ് മിറാക്കിള്‍ കമ്പാര്‍ ചാമ്പ്യന്മാരായത്. ടോസ് നേടി ആദ്യം ബാറ്റ് ചെയ്ത മിറാക്കിള്‍ കമ്പാര്‍ 43 ഓവറില്‍ 10 വിക്കറ്റ് നഷ്ടത്തില്‍ 227 റണ്‍സെടുത്തു. മിറാക്കിള്‍ കമ്പാറിന് വേണ്ടി ശിഹാബ് 71 റണ്‍സും ഉനൈസ് 55 റണ്‍സും നേടി. ഒലിവ് ബംബ്രാണക്ക് വേണ്ടി സുബൈര്‍ ബാസിത് എന്നിവര്‍ 3 വിക്കറ്റുകള്‍ വീതം നേടി. മറുപടി ബാറ്റിങ്ങിനിറങ്ങിയ ഒലീവ് ബംബ്രാണ 24.1 ഓവറില്‍ 117 റണ്‍സിന് എല്ലാവരും പുറത്തായി. മിറാക്കിള്‍ കമ്പാറിന് വേണ്ടി റിയാസ് 5 വിക്കറ്റും സവാദ് ഇര്‍ഷാദ് എന്നിവര്‍ രണ്ട് വിക്കറ്റുകള്‍ വീതം നേടി. ടൂര്‍ണ്ണമെന്റിലെ മികച്ച താരമായി ശിഹാബിനെയും(മിറാക്കിള്‍) മികച്ച ബൗളറായി ഖാലിദിനെയും(ഒലീവ്) മികച്ച ബാറ്റ്‌സ്മാനായി കമ്പാറിലെ ശിഹാബിനെയും തിരഞ്ഞെടുത്തു. ഫൈനല്‍ മത്സരത്തില്‍ 5 വിക്കറ്റ് നേടിയ റിയാസാണ് മത്സരത്തിലെ മാന്‍ ഓഫ് ദി മാച്ച്. വിജയികള്‍ക്കുള്ള ട്രോഫി കെ.സി. എ ട്രഷറര്‍ കെ.എം അബ്ദുറഹ്മാന്‍ വിതരണം ചെയ്തു. കെ.സി.എ മെമ്പര്‍ ടി.എം.ഇഖ്ബാല്‍, ജില്ലാ ക്രിക്കറ്റ് അസോസിയേഷന്‍ പ്രസിഡന്റ് എന്‍.എ അബ്ദുല്‍ ഖാദര്‍, സെക്രട്ടറി ടി.എച്ച് മുഹമ്മദ് നൗഫല്‍, ട്രഷറര്‍ കെ.ടി നിയാസ്, വൈസ് പ്രസിഡന്റ് കബീര്‍ കമ്പാര്‍, ജോയിന്റ് സെക്രട്ടറി അന്‍സാര്‍ പള്ളം, മഹമൂദ് കുഞ്ഞിക്കാനം, ലത്തീഫ് പെര്‍വാഡ്, അബ്ബാസ് സന്തോഷ് നഗര്‍, സന്തോഷ് കുമാര്‍, നൗസില്‍, ദില്‍ഷാദ് അക്രം തുടങ്ങിയവര്‍ സംബന്ധിച്ചു.

Post a Comment

0 Comments