ആവേശമായി കാസര്‍കോട് മാരത്തണ്‍


കാസര്‍കോട്: ആരോഗ്യവും സൗഹൃദവും എന്ന സന്ദേശവുമായുള്ള കാസര്‍കോട് മാരത്തണ്‍ ആവേശമായി. നാനൂറോളം പേര്‍ പങ്കെടുത്ത മാരത്തണില്‍ കേരളത്തിന്റെ വിവിധ ഭാഗങ്ങളില്‍ നിന്നുള്ള കായിക താരങ്ങള്‍ പങ്കെടുത്തു.
രാവിലെ ഏഴരക്ക് കാസര്‍കോട് മുനിസിപ്പല്‍ സ്‌റ്റേഡിയത്തില്‍ നിന്നാരംഭിച്ച മാരത്തണ്‍ വിദ്യാനഗര്‍, നുള്ളിപ്പാടി, പുതിയബസ്‌സ്റ്റാന്‍ഡ്, കറന്തക്കാട്, കൂഡുലു, ഉളിയത്തടുക്ക, ഹിദായത്ത് നഗര്‍ ചുറ്റി മുനിസിപ്പല്‍ സ്‌റ്റേഡിയത്തില്‍ സമാപിച്ചു. മിനി മാരത്തണ്‍ മുനിസിപ്പല്‍ സ്‌റ്റേഡിയത്തില്‍ നിന്നാരംഭിച്ച് വിദ്യാനഗറിലുടെ നുള്ളിപ്പാടി ആയുര്‍വേദ ആശുപത്രി പരിസരത്ത് നിന്ന് മടങ്ങി മുനിസിപ്പല്‍ സ്‌റ്റേഡിയത്തില്‍ സമാപിച്ചു. ജില്ലാ കലക്ടര്‍ ഡോ. ഡി സജിത്ത്ബാബു, ജില്ലാ പൊലീസ് മേധാവി ജയിംസ് ജോസഫ് എന്നിവര്‍ മാരത്തണ്‍ ഫ്‌ളാഗ് ഓഫ് ചെയ്തു. മുഹമ്മദ് ഹാഷിം സ്വാഗതം പറഞ്ഞു.
സമാപന സമ്മേളനവും സമ്മാനദാനവും കെ രാജ്‌മോഹന്‍ ഉണ്ണിത്താന്‍ എംപി ഉദ്ഘാടനം ചെയ്തു. ഹാരിസ് ചൂരി അധ്യക്ഷനായി. എന്‍.എ നെല്ലിക്കുന്ന് എംഎല്‍എ, കാസര്‍കോട് നഗരസഭാ ചെയര്‍മാന്‍ ബീഫാത്തിമ ഇബ്രാഹിം, ചെങ്കള പഞ്ചായത്ത് പ്രസിഡന്റ് ഷാഹിന സലീം, മുനിസിപ്പല്‍ കൗണ്‍സിലര്‍ സവിത, പ്രസ്‌ക്ലബ് സെക്രട്ടറി കെ വി പത്മേഷ്, പി സി ജയരാജന്‍ എന്നിവര്‍ സംസാരിച്ചു.
എ വി പവിത്രന്‍ സ്വാഗതവും ബാലന്‍ ചെന്നിക്കര നന്ദിയും പറഞ്ഞു.
കാസര്‍കോട് മാരത്തണില്‍ പുരുഷന്മാരില്‍ എസ് ജിജില്‍ (കോട്ടയം) ഒന്നും എം പി നബീല്‍ സാഹി (കോഴിക്കോട്) രണ്ടും കെ പ്രസാദ് (പാലക്കാട്) മൂന്നും സ്ഥാനം നേടി.
വനിതകളില്‍ അല്‍ഫോണ്‍സ പീറ്റര്‍ ഒന്നും നിവിയ മേരി ജോസഫ് രണ്ടും വി വി അനുഷ മൂന്നും (മൂവരും കോട്ടയം) സ്ഥാനം നേടി. മിനി മാരത്തണില്‍ പുരുഷന്മാരില്‍ വി രഞ്ജിത്ത് കുമാര്‍ ഒന്നും നിതിന്‍ നായിക് രണ്ടും (ഇരുവരും കാസര്‍കോട്), കെ കെ വിഷ്ണുപ്രസാദ് (തൃശൂര്‍) മൂന്നും സ്ഥാനം നേടി. വനിതകളില്‍ ലിന്‍സി ജോസ് ഒന്നും എം എസ് കാവ്യ രണ്ടും ജോസ്‌ന മൂന്നും (മൂവരും കോട്ടയം) സ്ഥാനത്തെത്തി. ഗുഡ്‌മോണിങ് കാസര്‍കോട് കൂട്ടായ്മയാണ് മാരത്തണ്‍ സംഘടിപ്പിച്ചത്.

Post a Comment

0 Comments